هۆنراوەی، تۆماس ترانسترۆمر

وەرگێڕانی: ڕەحمان سۆفی، لەسوێدییەوە

 

قاوەی خەست

 

لەبەر هەیوانی ڕەستۆرانێک،

مێزێک، چەن سەندەڵی،

ڕێکوپێک لە دەوری چنراون.

 

قاوەێکی خەست دلۆپ دڵۆپ، هەڵقوڕاندن

گرانبەهاترین دڵۆپن گەر گیرت کەوێ

کەچی، پڕە لە ‌هێزی دوودڵی، نا و ئەرێ!

 

لە قاوەخانە تاریکەکان،

خۆرەتاو بێ چاوترووکاندن دەبینرێ

لەبەر ڕۆشنایی ڕۆژ،

خاڵێکە لە مەبەستی خێر.

ناڕوون، گورج دەڕژێتە،

نێوچاوانی میوانێکی ڕەنگ زەردەوە.

 

دڵۆپی ڕەش وێنەی بیری تیژ،

جار،جار لە ڕەوانی هۆشیار بەدی دەکرێ

پاڵپێوەنانە بۆ کردەوەی شیاو-بڕۆ-

هۆی سرووشە،

کە چاوەکانت بکەیتەوە.

 

درێژەی هەیە...