٧٣. کاپیتانی لە یاد چوو

 

سێبەرمان پڕ زۆرە

شەوێکی مانگی دێسێمبر بەرەو ماڵ بەڕێوە بووم

لە پڕY دوای چل ساڵ لە گۆڕەکەی هاتە دەرێ!

بە هاوڕێی لەگەڵم وەڕێکەوت

 

لە هەوەڵەوە بە تەواوی پووچ هاتە بەرچاوم

تەنیا ناوێک زیاتربوو

کەچی بیری لە مەلەدا بوو

بەلەزتر لە زەمان دەبەزی، تا گەیشتە هەیڤ

 

چاوم نا بە چاویەوە، دەریای شەڕم بینی

دواین پاپۆڕ کە ئەو دەیاژووت،

لە ژێر پێماندا بەرز بووەوە

 

لە پێشەوە- لە دواوە،

کاروانی دەریایی ئاتلانتیک بەڕێوە بوو

ئەوانەی کە دەبوو مابان،

ئەوانەی کە دەبوو نیشانە کرابان

بۆ هەمووکەس نادیار بوون

باوەکوو شەوگارێکی زۆر بێخەو مابوون

کەچی لەگەڵ یەک جێ گۆڕکێیان دەکرد

بەڵام هەرگیز کەسێک لەگەڵ ئەو، جێی نەگۆڕییەوە

جلیسقەی نەجات لە ژێر پاڵتۆ بارانییەکەیدا بوو

داخەکەم هەرگیز بەرەو ماڵ نەگەڕاوە

 

دڵی پڕ خوێن و گەروو پرگریان بوو

لە ئاکامدا لە نەخۆشخانەێک لە کاردیڤ کۆڵیدا

بووە ئاسۆی نادیار،

ماڵاوایی لە کاروانی دەریا کرد

 

ماڵاوا کاروان، کاروانی یازدە گرێی دەریا! ماڵاوا

ئەلێرە مێژووی دنیا تەواو دەبێ

فڕۆکەی بۆمبهاوێژ، لە نێوان زەوی و ئاسمان،

چیمەنی قەوزە پشکووتون

 

وێنەی دەسپێکی سەدە، کەناری دەریا دەنوێنێ

لەوێ شەش لاوی تەڕپۆش چاوەڕێ

بەلەمی دەم بادەوەیان لە سەرشان،

بەلەمی مان و نەمان،

هەندێک کەس بەوانەوە بەستراون

سیمایان زۆر پیاوانە دێنە بەر چاو

قەوی لە بارەی مردووەکانەوە،

بازی کە گران تەواو دەبێ

چونکە بە دوای کارەساتدا دێ

 

 

 

درێژەی هەیە...

 

وەرگێڕانی  ڕه‌حمان سۆفی لە زمانی سوئێدیەوە