هۆنراوەی، تۆماس ترانسترۆمر

وەرگێڕانی: ڕەحمان سۆفی، لەسوێدییەوە

 

خەونی باڵەکی ڕێڤ

پیانۆ ڕەش، چەشنی جاڵجاڵوکە بە درەوشە

لە تۆڕی تژی مووزیکی خۆیدا دەلەرزێ

لە ساڵۆنی کۆنسێردا، مووزیک وڵاتێکی نەخشاند

لەو وڵاتەدا، بەرد لە ئاونگ قورستر نەبوو

کەچی باڵەکی ڕێڤ نووقمی مووزیک خەوبردییەوە

خەونی دەبینی، خەون بە دروشکەی تەزاروە

ڕاست لە نێوەڕاستی قاڕەقاڕی پۆلی قاژوودا

چەرخی درۆشکە لە سەرسەنگفەڕش دەسووڕا

باڵەکی ڕێڤ لە واگۆندا بەتەنیا دانیشت بوو

کەچی بەوحاڵەش، زەینی لە جادە ڕای دەکرد

ئەو ئەوەی دەیزانی سەفەرەکە درێژدەوامە

کاتژمێرەکەشی لە باتی خوول، ساڵی نیشان ئەدا

دوورەدەست کێڵگەێک بوو، گاسن و ئاموور

ئاموور و گاسن باڵندەێک بوون، تێکشکاو

لە دوور کەنداوێک، گەلەگەمی لەنگەری گرتبوو

دامرکاو،سەهۆڵبەستە، ئەڕشەکەی پڕ لە خەڵک

دروشکە بە سەر سەهۆڵدا بەرەوپێش دەخزی،

چەرخەکانی دەسووڕان، خشەی ئاورێشمی دەهات

پاپۆڕێمی جەنگی بە ناوی ستۆپۆل

سەرنشین خۆ، خزمەتکار دەست لە سەرسینگ

گوتی: بیژەنە و خۆت لە مەرگ ڕزگار کە!

ئامێری مووزیکیان نیشان دا، سەیروسەمەر!

ئامێر، هەمانەێکی ڕەش، فوویان پێدا دەکرد

یان پارچەێک، لە جۆری ماشێنی لێکدووراو

باڵەکی ڕێڤ داماو،ترساو،بێ پەنا، تێگەیی

ئەوە ئەو ئامێرەیە، کە پپۆڕی جەنگی داژوێ

چوو بۆ لای نزیکترن ئەفسەر مەلەوان

بە دەستەکانی نیشانەێکی کێشا، دەست بەدۆعا

وەک بەایمانێ نیشانەی خاچی لە سەرسینگی کێشا

ئەفسەر مەلەوان خەمبار، کوێرانە خێسەێکی لێ کرد

ئەفسەر مەلەوان،باڵی بڵاو کرد، سەری شۆڕکرد

وەکوو ئەوە لەهەودا،داکوترابێ و هەڵواسرا،

دەهۆڵیان کوتا،چەپڵەڕێزان،زرمەی هەڵپەڕکێ

باڵەکی ڕێڤ لە خەون ڕاپەڕی، ڕابوو

باڵی بڵاوکرد، چەپڵەڕێزان ساڵۆنی پڕ کرد

چاوی بەچاوی پیاوێک کەوت لای پیانۆکە

لەدەرەوە، لەسەرجادە،ڕەشلەشکەری مانگرتن

درووشکەگەل تیژتێپەڕ لە تاریکیدا نەدیارکەوتن

Milij Balakirev(1837-1910) kompozitor ئاوازدانەر، ئاهەنگسازێکی ڕووس  بووە.

 

 

درێژەی هەیە...