موختار کەریمی

من لە دایکبووی گوندی "دەگاگا"م لە ناوچەی هەورامان بەشی ڕۆژهەڵات. فێرگەی سەرەتاییم هەر لەو گوندە تەواو کردوە. پاشان بۆ درێژە پێدان بە خوێندن چوومەتە شاری مەریوان و تا کۆتایی دیپلۆم هەر لە مەریوان بووم . دوای ڕووخانی ڕژیمی پاشایەتی لە ئێران چووم بۆ شاری سنە بۆ خوێندنی باڵا لە بەشی پەروەردەی مامۆستایان. بە هۆی چالاکی سیاسی لە خوێندن بێبەش کرام و گەڕامەوە بۆ هەورامان. پاش گرتنەوەی هەورامانیش لە لایەن هێزە سەرکوتکەرەکانی کۆماری ئیسلامی ئێرانەوە، بە نهێنی خۆم گەیاندە تاران و لەوێ بۆ ماوەی ٤ ساڵ وەکوو کارەباچی لە شەریکەیەکی بیناسازی سەرقاڵی کار بووم. لە گەرماگەرمی هێڕشی بەربەڵاوی هێز و دەمودەسگا نهێنیەکانی ڕژیم بۆ سەر هێزە سیاسیەکان شوێنی ئێمەی ئاوارەیش دۆزرایەوە و چەند کەسێکمان لێ گیران و چەند کەسێکیشمان ڕزگارمان بوو، بەڵام دیسان ئاوارە بووینەوە و پەنامان بۆ ژیانی نهێنی بردەوە. پاش سەرکووتی هەموو هێزە سیاسیەکان و زاڵ بوونی ڕژیم بەسەر هەموو کۆمەڵگای ئیراندا،  شوێنی خۆحەشاردانی ئێمەش کەوتە مەترسیەوە و ئەم جارە بەرەو هەندەران ئاوارە بووم و دوایی ماوەیەکی درێژ خۆم گەیاندە وەڵاتی ئاڵمان و لەوێ وەکوو پەنابەری سیاسی وەرگیرام. لە ئاڵمانیش درێژم بە چالاکی سیاسی و فەرهەنگی دا و ئێستاس هەر بەردەوامم. بۆ ماوەی ٥ ساڵ پێشکەشکاری بەرنامەی تەلەوزیۆنی "هانە ڕەنگینە" بووم لە تەلەوزیۆنی ڕۆژ(ROJ-TV). بەرنامەی هانە ڕەنگینە بە زمانی هەورامی پێشکەش دەکرا. ئێستاش لە کاتی ئازادمدا وەکوو رۆژنامەوانی سەربەخۆ کار دەکەم، بابەت دەنووسم و یان بابەت وەردەگێڕمەوە. نووسینەکان و وەرگێڕدراوەکانم زۆربەیان هەر بە زمانی هەورامین. وەکوو خوێندن و ئیش و کاری ڕەسمیش بەشی پەروەردەی کۆمەڵایەتیم تەواو کردەوە و هەر لەو بەشەدا وەکوو ڕاوێژکاری سیتێماتیکی کۆمەلایەتی  دامەزراوم و کار دەکەم.

 

نووسراوەکان:

ونی سۆران ئەختەر سەمەری نمەبۆ گمە بۆ

بە بۆنەو هەشتوو(٨) مارسی، ڕۆ گەردوونی ژەنێوە

بە بۆنەو ڕۆ گەردوونی زوانی ئەڎاییەو

ڕۆ گەردوونی ئازاڎی چاپەمەنی