ناو: محەمەد حەسەن ماوەڕانی

رۆژ و شوێنی لەدایک بوون: ٢٠.٠٨.١٩٥٥(٢٩ی گەڵاوێژی ١٣٣٤) لە کۆڵانی حاجی حەسەن لە مەهاباد

کوری عایشە ی سیراجی ئەقدەم ، محێدنی ماوەڕانی و نەوەی مەلا محەمەدی ماويڕانی، مەلا ڕەشە

لەسەردەمی خویندنی ناوەندیەوە هۆگری نووسین و خوێندنەوە بوو. لە قوتابخانەی ناوەندیی حەمەرەزاشا لەگەڵ هێندێ لە هاوڕێیانی رۆژنامەی  دیواریان دەردەهێنا و بە هۆی ناوەرؤکی نووسراوەکان  زۆرجاران سەرهێشەیان بۆخۆیان دروست دەکرد.

لە ساڵی ١٩٧٣ دا کە خوێندکارێکی ئاسایی بوو  لەگەڵ کۆمەڵێک لە قوتابی و خۆێندکارەکانی شاری مەهاباد گیرا. بە هۆی ئەو کارانە کە ڕێکخراوەی نەبوو و تەنیا کۆڕ و کومەڵێک گەنجی دژ بە رژێم بوون کە لایەنگریان  لە بزوتنەوەی کورد دەکرد  و زۆربەیان لایەنگری حیزبی دێمۆکرات بوون گیرا و  لە ناو ئەو کۆمەڵە گیراوانەدا  سزای هەرە قورسیان بەسەر ئەو داسەپاند کە لە بێدادگای یەکەمی  نیزامی سەردەمی شادا لە پێشدا سە ساڵ بوو و لە بێدادگای دووهەمدا بوو بە حەوت ساڵ.

پاش دیداری  دەستەی نوێنەرایەتی ڕێکخراوەی مافی مرۆڤ لە زیندانەکانی رژێمی شا، لە ٢٩ی گەڵاوێژی ١٣٥٦ دا وێڕای ٥٠٠ زیندانی سیاسی ئازاد کرا.

لە پاش ئازادی وێڕای خویندن و کار لە بنکەی چاپەمەنی رۆژ لە تاران، هەتا  کۆچی دوایی نەمر عزیزی یۆسفی ، وێڕای کاک جەلیلی گادانی و کاک سادقی شەرەفکەندی و هاوبیرانی کە لەسەردەمی گەنجێتیەوە بەیەکەوە کەوتبوونە بەر هێرشی  ساواک، بەردەوامبوو لەخەبات بە لایەنگری لە حیزبی دێمۆکرات.

لە  خۆپێشاندانەکانی سەر گۆڕی نەمر عەزیزی یوسفی دا،  لە جۆزەردانی ١٣٥٧، وێڕای کاک جەلیلی گادانی و کاک سادقی شەرەفکەندی و کاک عزیزی ماملێ  لە ڕێکخەرەکانی سەرەکی خۆپێشاندانەکەبوو. پاش گیرانی کۆمەڵێک لاو و گەنج و کۆنە تێکۆشەری سیاسی، لە گەڵ  زیندەیاد کاک جەلیلی گادانی  بەرپرسیارێتی هەموو خۆپێشاندانەکەیان وەئەستۆ گرت و داوای ئازادی  خەلکەکەیان کرد. دیارە رژێم گەرچی زۆربەیانی  پاش چەند رۆژان بەردا، بەڵام ١٦ کەسی خۆپێشاندانەکانی پەیتا پەیتای کوردستان و سەرانسەری ئێران رژێمی ناچار کرد بە ئازادی بێ لامجۆیی  بەندیکراوەکان .

لە پاش ئازادی وێڕای هاوڕێێانی بە لایەنگری لە حیزبی دێمۆکرات  هەمدیسان  دەستیان بە خەبات کرد. و هەتا سەرکەوتنی شۆڕش دەوری چالاکی لە کاری سیاسیدا هەبوو. هەر لەو سەردەمەی بەرەبەری شؤڕش لە تاران، پێڕەو و بەرنامەی ح.دک و  دوو ژمارەی رۆژنامەی کوردستانی لە چاپدا  کە ڕێکخراوەکانی حیزب لە کوردستان بڵاویان کردەوە.

لە پێش شۆرشی ڕێبەندانەوە بوو بە ئەندامی کۆمیتەی شاری ح.دک .

لە پلێنۆمی یەکەمی حیزبی دێمۆکرات لە بینای کەشاوەرزیدا بە نوێنەرایەتی ڕێکخراوی شار بەشدار بوو.

لە ١٣٥٨ دوو مانگ پاش پلێنوم    لەو حیزبە جیابۆوە و پاش ماوەیەک بوو بە ئەندامی حیزبی تودە. دامەزراندنی چاپخانە بۆ حیزبی دێمۆکرات لەو ماوەیەدا یەکێک لە کارەکانی هەرە بەرچاوی  ئەو بوو.

لە ١٣٦٠ بوو بە ئەندامی کۆمیتەی ئەیالەتی حیزبی تودە هەتا هێرشی یەکەم بۆ سەر ئەو حیزبە و پاشان بوو بە بەرپرسی کوردستان،. لەپاش هێرشی دووهەم،  ڕیکخراوی کوردستان  تاقە ڕێکخراوی حیزبی تودە بوو کە وێڕای ڕیکخراوی کوردستانی  رێکخراوەی چریکەکانی فیدای توانیی بە یارمەتی وەرگرتن لە حیزبی شیوعی  زۆربەی  ئەندامە ناسراوەکانی و تەنانەت کۆنگرە چوارەکانیش لە گرتن و کەوتنە بەر ئەشکەنجە رزگار کات و لە داوێنی چیاکانی  کوردستاندا بیانپارێزن .

لە  کۆتایی ساڵی ) مانگی سەرماوەزی ١٣٦٥ چوو بۆ یەکێتی سۆڤێت. لە کۆنفرانسی گشتیی ئەو حیزبەدا لە ١٣٦٦ بوو بە ئەندامی ڕاوێژکاری کۆمیتەی ناوەندی . لە ساڵی ١٣٦٧ هاتە ئاڵمان و نێشتەجێی ئەو ولاتە بوو و پێوەندیی بە حیزبی تودە نەما. بەڵام  هەتا بەیانیەی جیابوونەوە ی بەشی هەرە زۆری کادێڕەکانی کوردی ئەو حیزبە بە فەرمی ، زۆر کەس  ئاگای لەو دابڕانە نەبوو. لەوساوە تا ئێستا سەربەخۆیە و ئەندامی هیچ حیزبێکی سیاسی نییە وخۆی بە  دۆستی هەموو حیزبێکی کوردستانی دەزانێ.

نووسراوەکان:

 
مبارزی نستوە و ادیبی فرزانە!
بۆ ناوەندی هاوکاریی هێزەکانی رۆژهەڵات
پێشنیارێک بۆ هەموو حیزبە سیاسیەکانی رۆژهەڵاتی کوردستان 
در حاشیەی سخنان جو بایدن
مسئلەی ملی در ایران  از دیدگاە سۆسیال دمکراتها
نەتەوە، مافی نەتەوایەتی، بزوتنەوەی ڕزگاریخوازانەی کورد و  ئەرکی چەپی کورد!
دووپاتە بوونەوەی پەیمانی ئەلجەزایەر بە دەڵاڵیی روسیە!!!
گەڕاندنەوەی سپای سوریە بۆ ئەفرین
رایەک لەسەر کۆبوونەوەی پێنج قۆڵی حیزبەکانی ڕۆژهەڵات
چگونە از خمینی  آخوند یک رهبر انقلاب ساختە شد!
زیانەکانی گیانی و دارایی بوومەلەرزە بەرهەمی سیاسەت و ئەخلاقی داسەپاویی داگیرکەران